Koreya Xalq Demokratik Respublikasının (KXDR) Dövlət Şurasının sədri Kim Çen In haqqında daha bir xəbər yayılıb.

Cənubi Koreyanın dövlət başçısı Mun Cayın Xarici Siyasət üzrə müşaviri Mun Çanq-İn Şimali Koreya liderinin səhhətinə dair CNN-ə açıqlama verib.

O bildirib ki, hökumətin mövqeyi sabitdir: “Kim Çen In həyatdadır və yaxşıdır. 13 apreldən bəri Vonsan bölgəsində qalır. İndiyə qədər hər hansı şübhəli hərəkət təsbit edilməyib”,- o bildirib.

Qeyd edək ki, aprelin 11-dən sonra mediada görünməyən Kim Çen Inın xəstə olduğu və vəfat etdiyi barədə şayiələr gəzir.