Bizim tətbiq etdiyimiz SMS icazə sistemi başqa ölkələrdə də tətbiq olunur. Əvvəl SMS-lə icazə 2 saat, sonra 3 saat oldu. Vətəndaşlar bu müddətdə lazımi ehtiyaclarını ödəyə bilirdi. ONN media  xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Operativ Qərargahın bu gün baş tutan brifinqində deyib. O bildirib ki, Operativ Qərargah yaxın zamanlarda vəziyyəti qiymətləndirib müvafiq qərar verəcək: "Sizi 60-65 yaşlı vətəndaşlar maraqlandırırsa, qeyd edim ki, yoluxma tendensiyası azalmaya doğru gedərsə, əlavə yumşaldılma tədbirində bu, nəzərə alına bilər".