Xüsusi karantin rejiminin uzadılması xalqdan asılıdır. ONN media   xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Operativ Qərargahın bu gün baş tutan brifinqdə deyib. O bildirib ki, hər kəs öz məsuliyyətini dərk etməlidir: "Nə ölkə başçısı, nə hökumət istəyər ki, bu situasiya uzansın. Çünki ölkəmizin sosial, iqtisadi həyatına ciddi təsir göstərir. Dövlət öz üzərinə düşən bütün məsuliyyəti və vəzifələri, onsuz da, yerinə yetirir. Bizə isə bu tədbirlərə riayət etmək düşür".