Əməkdar artist Bəhram Bağırzadənin son vəziyyəti açıqlanıb.

ONN media   xəbər verir ki, bu barədə “Xəzər” televiziyasında yayımlanan “Səni axtarıram” verilişində Mərkəzi Gömrük Hospitalının rəis müavini həkim Bəxtiyar Musayev məlumat verib. “Qısaca deyə bilərəm ki, Bəhramın vəziyyəti stabildir. Hazırda ümumi vəziyyəti kritik ağır olaraq qalsa da, dünənə nisbətən cüzi də olsa vəziyyətində yaxşılaşma var, ən azından pisləşmə yoxdur”,- deyə o, qeyd edib. Daha sonra o, Əməkdar artistə ciyər köçürülməsi barədə yayılan xəbərlərə də münasibət bildirib. "Bu xəbərlər əsassızdır, hazırda qarşımızda belə bir məqsədimiz yoxdur. Bu dəqiqə məqsədimiz xəstəni bu kritik vəziyyətdən çıxarıb, müalicəsini davam etdirməkdir". Qeyd edək ki, Azərbaycanın əməkdar artisti Bəhram Bağırzadə koronavirus infeksiyasına yoluxub. O, vəziyyətinin kəskin pisləşməsi səbəbindən əvvəl müalicə olunduğu xəstəxanadan iyunun 13-də Mərkəzi Gömrük Hospitalının reanimasiya şöbəsinə köçürülüb. Əməkdar artistin 90%-dən çox ağciyər toxumasının zədələndiyindən onu ECMO cihazına qoşublar. B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.