Rusiyanın paytaxtı Moskvada konstitusiyaya dəyişikliklər edilməsi üçün keçirilən referendum protest edilib. ONN media  xəbər verir ki, icazəsiz keçirilən etiraz aksiyalarında 132 nəfər saxlanılıb. Moskva Baş Polis İdarəsinin məlumatına görə, Rusiya Milli Qvardiyası və polis tərəfindən şəhərdə ictimai asayişi pozmaq cəhdlərinin qarşısı alınıb. Qeyd edək ki, etiraz aksiyaları ötən gün axşam saatlarından etibarən Puşkin prospektində başlanıb. Xatırladaq ki, referenduma vətəndaşların 77,92%-i “hə”, 21,27%-i “yox” deyib. Son məlumata görə, aksiyalara 20 mindən çox insan qatılıb.