Bir neçə gündür mediada “Speys” telekanalında maliyyə yoxlamalarına başlanılması barədə xəbərlər yayılıb. ONN media xəbər verir ki, kanalla bağlı söhbətlər səngimir. İddialar isə kanalın yenilənməsi ilə bağlıdır. Belə ki, əvvəlcə kanalın tezliyinin satılması barədə iddialar irəli sürülüb. Telekanalın rəhbəri Vaqif Mustafayevin vəzifəsindən getməsi də gündəmə gətirilib. Onun yerinə əməkdar artist Tahir İmanovun gətirələcəyi iddia edilir. T.İmanov yayılan iddialara belə cavab verib: “Bu söhbətlərlə bağlı danışmaq istəmirəm. Sənət və fəaliyyətim haqqında suallara cavab verməyə hazıram. Belə mövzularla ucuzluğa getməyək”. Qeyd edək ki, T.İmanov sosial mediadakı çıxışlarında dəfələrlə Speys TV-nin rəhbərliyini və kanalı tənqid edib.(mediapost.az)