Sentyabrın 27-dən bu günə kimi 90 dinc sakin erməni terrorunun qurbanı olub. Bunu bu gün Azərbaycanda olan diplomatik korpus nümayəndələri ilə birlikdə Bərdə şəhərinə səfər edən Baş prokuror Kamran Əliyev deyib: "Ermənistanın bu cür əməllərinə qarşı cavab veriləcək və onlar gec-tez məsuliyyətə cəlb ediləcəklər. Azərbaycanda törədilən bu teror aktı onun döyüşdə olan uğurları ilə bağlıdır. Tam əminliklə deyə bilərəm ki, Azərbaycan hər dəfəsində döyüşlərdə uğurlar əldə etdikdə, Ermənistan hakimiyyəti bizim dinc insanlara qarşı terror törətməyi əmr edir".