Azərbaycan Qızıl Aypara Cəmiyyətinin ölən könüllüsünün kimliyi məlum olub. ONN media bildirir ki, Cəmiyyətin vitse-prezidenti Qafar Əsgərzadənin Oxu.Az-a verdiyi məlumata görə, bu, 1981-ci il təvəllüdlü Mustafayev Məhərrəm Ənvər oğludur. Qeyd edək ki, Məhərrəm Mustafayev iki uşaq atası idi. Həmçinin, Fatimə Babişeva və Ülviyyə Hacıyeva adlı Azərbaycan Qızıl Aypara Cəmiyyətinin iki könüllüsü də yaralanıb. Hər üç şəxs Bərdə sakini olub və dünən Bərdəyə atılan raket atışı zamanı erməni terrorunun qurbanı olub.