Ermənistan parlamentinin keçmiş vitse-spikeri, Respublika partiyasının funksioneri Eduard Şarmazanov həbs olunub. ONN media xəbər verir ki, bu barədə onun köməkçisi Qeqam Petrosyan bildirib. Petrosyanın sözlərinə görə, sabiq vitse-spiker Ermənistanın Milli Təhlükəsizlik Xidməti tərəfindən qanunsuz toplantının təşkil olunması ittihamı ilə həbs edilib. Şarmazanov ilkin olaraq 72 saat həbsdə qalacaq. Qeyd edək ki, bu gün Ermənistanın paytaxtı İrəvanda etiraz aksiyası keçirilib. Baş nazir Nikol Paşinyanın istefasını tələb edən müxalifət fəalları saxlanılıb.