Ümumdünya Səhiyyə Təşkilatının mütəxəssisləri hesab edir ki, koronavirus 2019-cu ilin dekabrından əvvəl Çində yayılmağa başlayıb.

ONN media xəbər verir ki, bu barədə “Wall Street Journal” məlumat yayıb.

ÜST mütəxəssisləri qeyd edib ki, 2019-cu ilin oktyabr ayında 90 nəfər koronavirusa oxşar simptomlarla xəstəxanaya yerləşdirilib. Çin səlahiyyətlilərinin onlardan test aldıqları, ancaq virus izləri tapmadıqları vurğulanıb. Bunun səbəbi antikorların tərkibinin təyin edilə bilməyəcək səviyyəyə düşməsi ilə izah edilib.

Beynəlxalq ekspert qrupunun rəhbəri Peter Ben Embarek əlavə araşdırmalara ehtiyac olduğunu düşünür. Mütəxəssislər Pekini Hubey əyalətində koronavirusun nə vaxt yayıldığını anlamaq üçün daha geniş qan testləri keçirməyə çağırıb.