Hökumət üzvlərinin burada olmasından istifadə edərək insanların bir neçə xahişini çatdırmaq istəyirəm. COVİD-19 virusu ilə mübarizədə ölkəmiz önəmli addımlar atdı, ziyalılar, deputat həmkarlarım bunun təbliğində önəmli rol oynadılar. Amma artıq karantinlə bağlı müəyyən yumşalmalar var: metrolar, ticarət mərkəzləri açıldı. Bu, teatrlara da şamil olunmalıdır. Bu, sənət adamlarının və teatrsevənlərin xahişidir. ONN media  xəbər verir ki, bunu parlamentdə çıxışı zamanı Milli Məclisin Mədəniyyət komitəsinin sədri Qənirə Paşayeva deyib. Komitə sədri əlavə edib ki, açıq havada insanların toy məclislərinin keçirilməsinə də icazə verilməlidir: “Artıq il yarımdır ki, insanlar toy edə bilmir. Amma müəyyən şərtlərlə, COVİD pasportundan istifadə etməklə açıq havada toylara icazə verilə bilər. Bu, insanlarla yanaşı, həm də böyük bir sektorun xahişidir”.