Əziz Məzunlar! Bu gün sizin və valideyinlərinizin həyatında ən gözəl və önəmli günlərdən biridir.Siz bir mahnının sözlərində deyildiyi kimi ömrünüzün ən şirin, duyğulu, qayğısız günlərini,hər anı bir ömrə bərabər, sehirli günlərini,məktəb illərini bitirib azad-müstəqil həyat yollarına qədəm qoyursunuz.Hər birimizin həyatında məktəb elə bir yerdir ki, burada olduğumuz mühit,psixoloji abu-hava bizim həyat yolumuza, mənəvi dəyərlərimizə, əqidə və vətəndaşlıq hisslərimizə birbaşa təsir edir.Bu gün siz müstəqil həyata atılan, dövlətimizin gələcəyinin formalaşmasında xüsusi əhəmiyyəti olan gənclərsiniz. Siz artıq məktəb illərində aldığınız bilik və savadla vətən, millət, xalq və dövlətimiz qarşısında məsuliyyətinizi dərk edən, layiqli vətəndaş, hərtərəfli şəxsiyyət kimi formalaşmısınız. Elmimiz, təhsilimiz, səhiyyəmiz, idmanımız bir sözlə gələcəyimiz sizi böyük ümidlə gözləyir.... Mən sizin hamınızı bu gün- "Son zəng" günü münasibəti ilə səmimi qəlbdən təbrik edir, arzularınızın həyata keçməsini arzulayıram.Tanrı yolunuzu hər zaman açıq etsin! Qurbanov Sadiq Milli Məclisin deputatı