Gələn il İtaliyada keçiriləcək “Eurovision 2022” mahnı müsabiqəsində Azərbaycanın iştirakı təsdiqlənib.

ONN media  xəbər verir ki, bu barədə İctimai Televiziya və Radio Yayımları Şirkəti məlumat yayıb. Bildirilib ki, gələn ilin mayında baş tutacaq müsabiqədə ölkəmizi kimin təmsil edəcəyi hələlik müəyyən edilməyib. Eyni zamanda müsabiqənin İtaliyanın hansı şəhərində keçirilməsinə hələlik qərar verilməyib.

Qeyd edək ki, dünyanın ən baxımlı və populyar mahnı müsabiqəsi olan “Eurovision”ın Azərbaycanda rəsmi yayım hüququ İctimai Televiziya və Radio Yayımları Şirkətinə məxsusdur.