Gələcəkdə xüsusi adlardan istifadə ilə bağlı Mülki Məcəlləyə dəyişiklik ediləcək.

Bunu Milli Məclis sədrinin birinci müavini Əli Hüseynli Milli Məclisdə Şuşa haqqında qanunun müzakirəsi zamanı bildirib.

Beləliklə, bununla da müəyyən problemlər aradan qaldırılacaq.

Həmçinin "Şuşa şəhəri haqqında" Qanunun 3.1 maddəsində Şuşa şəhərinin adından istifadə edilməsi təklif olunur. Bu, əvvəl elə başa düşülürdü ki, "Şuşa" adından istifadə qadağa olunur. Lakin xeyr, addan istifadə qanunun qeyd etdiyim 3.1 maddəsinə əsasən tənzimlənəcək və onun əsasında isifadə oluna biləcək.

Deputat Fəzail Ağamalı isə "Olmazmı ki, “Şuşa” adı ilə bağlı qanun digər tarixi abidələrimizin adları ilə bağlı da qəbul olunsun" sualı ilə çıxış edib. 

O, fikirlərinin davamında bunun daha ədalətli olacağını bildirib.

Fəzail Ağamalı Şuşa şəhəri ilə bağlı vikipediyanın rusca variantının bərbad vəziyyətdə olduğuna diqqət çəkib:

“Mən bunu müxtəlif platformalarda səsləndirmişəm. Düşünürəm ki, bu məsələyə ciddi yanaşılması və lazımi düzəlişlərin edilməsi vacibdir”.

Deputat Siyavuş Novruzov da deputat həmkarının digər tarixi abidələrin adının qorunması barədə təklifini dəstəkləyib. "Bu yolla tarixi abidələri qoruya bilərik"- o qeyd edib.