Almaniya sakinlərinə Ukraynanın Düsseldorfdakı Baş Konsulluğu adından Xarici legionun tərkibində müharibəyə getmək təklifi ilə saxta məktublar göndərilib.

ONN media xəbər verir ki, bu barədə Ukrayna Xarici İşlər Nazirliyinin mətbuat katibi Oleq Nikolenko özünün "facebook" səhifəsində bildirib.

Onun sözlərinə görə, almanların poçt ünvanlarına pul mükafatı müqabilində Ukraynadakı döyüşlərə qoşulmağı təklif edən məktublar gəlməyə başlayıb.

“Bu məktublar saxtadır. Ukrayna konsulluğu belə bir məktub göndərməyib. Konsullar araşdırma üçün artıq Almaniya polisinə müraciət ediblər”, - Nikolenko bildirib