Ankaranın AKP-dən olan keçmiş bələdiyyə sədri Məlik Gökçək İstanbuldakı seçki nəticələri ilə bağlı müəmmanın aradan qaldırılması üçün təkliflə çıxış edib.

ONN media xəbər verir ki, bu barədə Gökçək Tvitter hesabında yazıb.

“İstanbul bələdiyyəsi sədrliyinə seçkilərdə oğru metodları o qədər müxtəlifdir ki, insanın hövsələsi dayanır. Cinayəti insani bir xəta kimi qəbul etmək insan zəkasına təhqirdir. Cinayət fərdi və mütəşəkkildir. Ya bütün sandıqlar sayılmalı, ya da seçki yenilənməlidir”, - Gökçək bildirib.