ONN media xəbər verir ki, bugün Azərbaycan polisinin yaranmasından 100 il ötür.

Azərbaycan polisi öz peşə bayramını qeyd edir. Son illər Daxili işlər orqanları ən müasir texniki vasitələrlə təmin olunub. Polisin sosial müdafiəsinin gücləndirilməsi üçün ölkə rəhbərliyi tərəfindən bir neçə dəfə məvaciblərinin qaldırılması, iş yerlərində şəraitin yaxşılaşdırılması, həmçinin texniki vasitələrin müasir tələblərə cavab verməsi baxımından mühüm tədbirlər həyata keçirilib. Zəngin  tarixi təcrübəsi olan Azərbaycan polisi öz peşə bayramını 1998-ci ildən ulu öndər Heydər Əliyevin sərəncamı ilə qeyd edir. Azərbaycan polisinə verilən bu önəmin səbəbi ondan qaynaqlanır ki,  ulu öndər  ölkəmizdə  daim polisin  fəaliyyətinə önəm verib.  İctimai sabitliyin  qorunub saxlanmasında , cinayətkarlıq hallarının  qarşısının alınmasında Daxili İşlər Orqanlarının fəaliyyəti yüksək qiymətləndirilib. Azərbaycan polisi dövlətə və xalqa yüksək sadiqlik nümayiş etdirməklə mühüm vəzifələrinin öhdəsindən həmişə layiqincə gəlib. Daxili işlər orqanlarında xidmətə hazırlığın yüksəlməsi intizamın güclənməsi, mənəvi psixoloji durumun və sosial müdafiənin yaxşılaşdırılması, peşəkar kadr özəyinin yaradılması ulu öndər Heydər Əliyevin adı ilə bağlıdır. Bu siyasət prezident İlham Əliyev tərəfindən də davam etdirilir. Bu gün Azərbaycan polisi cinayətkarlığa qarşı mübarizədə ictimai qaydanın və təhlükəsizliyin təminində daxili sabitliyin yaradılması sahəsində qanunla müəyyən edilən vəzifəsini layiqincə yerinə yetirir.

Başda Daxili İşlər Naziri Ramil Usubov olmaqla Azərbaycan polisi fəaliyyəti ilə sübut edir ki, Daxili işlər orqanları prezidentin həyata keçirdiyi siyasətin etibarlı əsgərləridir.