ABŞ Hərbi Hava Qüvvələri qərargahının rəhbəri David Qoldfeyn kosmosda müharibə edəcəklərinə dair açıqlama verib.

ONN media-nın məlumatına görə,  Qərargah rəisi bildirib ki, amerikalılar kosmik məkanda üstünlüyü mütləq ələ almalıdırlar. Hətta bir neçə ildən sonra kosmik fəzadan zərbə endirmək məsələsinə də  baxılacaq. Bununla da onlar yeni mübahisəli ərazilərə nəzarəti tam ələ keçirəcəklər.

Məlumat üçün bildirək ki, Vaşinqton bu il hərbi hava qüvvələrinə 7,75 milyard dollar büdcə ayırıb. Bu, keçən illə müqayisədə 20% çoxdur. 2019-cu ildə ABŞ bu istiqamətdəki xərclərini 8,5 milyarda qədər artırmağı planlaşdırır.