“Donald Tramp administrasiyası İrana qarşı həyata keçirilən siyasətin təsirli olmadığını başa düşəcək. ABŞ rəhbərliyi bu məntiqsiz addımlardan peşman olacaq”.

ONN media xəbər verir ki, bunu İranın xarici işlər naziri Məhəmməd Cavad Zərif ABŞ-ın İrana qarşı sanksiyaların ikinci paketini tətbiq etməsini şərh edərkən bildirib.

“ABŞ-ın əvvəlki prezidentləri təcrübə qazandıqca İrana qarşı davranışlarını dəyişdirdilər”, - İranın xarici siyasət idarəsinin başçısı deyib.

Qeyd edək ki, noyabrın 5-də ABŞ İrana qarşı sanksiyaların ikinci paketini tətbiq edib. Bu sanksiyalar İranın enerji resurslarına qarşıdır. ABŞ Maliyyə Nazirliyinin xarici aktivlərə nəzarət üzrə idarəsi yeni sanksiyaların mətnini dərc etdi. İdarənin qərarına uyğun olaraq, İran hökuməti, təhlükəsizlik qurumları və Mərkəzi Bankı ilə bağlı şəxslərin və şirkətlərin ABŞ-ın yurisdiksiyasında olan bütün aktivləri bloklanacaq.(publika.az)