İngiltərənin “Arsenal” klubunun türk əsilli futbolçusu Məsud Özil Bakıda keçiriləcək Avropa Liqasının final oyunu öncəsi azərbaycanlı azarkeşlərə müraciət edib. ONN media xəbər verir ki, futbolçu Bakıdakı böyük finala 7 gün qaldığını qeyd edib. “Azərbaycanlı qardaşlarım! Biz bunu etdik, finaldayıq. Bakıda görüşənədək” – Özil tvitter hesabında yazıb. Qeyd edək ki, Avropa Liqasının mayın 29-da Bakı Olimpiya Stadionunda keçiriləcək finalında İngiltərənin “Arsenal” və “Çelsi” komandaları qarşılaşacaq.