Bakıda keçiriləcək UEFA Avropa Liqasının final oyunu dünyanın 203 ölkəsində canlı yayımlanacaq. ONN media xəbər verir ki, bu barədə UEFA rəsmi informasiya yayıb. Məlumata görə, “Arsenal” və “Çelsi” komandaları arasında baş tutacaq matç Avropanın 48 ölkəsində nümayiş olunacaq. Avropadan kənarda isə 156 ölkənin vətəndaşları qarşılaşmaya canlı baxa biləcəklər. Bundan başqa, “Sport 24” telekanalı finalı hava və su nəqliyyatında canlı yayımlamaq hüququna malikdir. Qeyd edək ki, Bakı Olimpiya Stadionunda keçiriləcək oyun saat 23:00-da başlayacaq.