İngiltərənin “Arsenal” klubu ötən gecə İngiltərə Kuboku çərçivəsində üz-üzə gəldiyi “Blekpul”la qarşılaşma zamanı “Emirates” stadionunda ölkəmizdə fəaliyyət göstərən rəsmi-fan klubunun embleminin üzərində Azərbaycan bayrağı olan afişanı yerləşdirib. 

ONN media Modern.az-a istinadla xəbər verir ki, bu barədə diaspor üzrə araşdırmaçı-jurnalist Elnur Eltürk məlumat verib. 

Xatırladaq ki, ölkəmizdə "Arsenal”ın rəsmi fan-klubu 2016-cı ildən fəaliyyətə başlayıb. Klub fan-klubun fəaliyyətini yaxından izləyir. Sıx əməkdaşlıq qurmaqda maraqlıdı.

Qeyd edək ki, "Arsenal" Avropa Liqasının qrup mərhələsində “Qarabağ”ın rəqibidi. Komandalar arasında oktyabrın 4-də Bakıda keçirilən ilk oyunda ingilislər qələbə qazanıb - 3:0. Cavab matçı dekabr 14-də Londonda keçiriləcək.