ONN MEDİA

Qurban Qurbanov – Vacib oyuna hazırlaşırıq

Qurban Qurbanov – Vacib oyuna hazırlaşırıq
30 İyul 2019 - 20:00

Vacib oyuna hazırlaşırıq. Cavab matçında daha diqqətli olmalıyıq. Hər iki komanda çox istəklidir. Onlar da qalib olmaq istəyirlər. Nə qədər çətin olsa da hamını sabah maraqlı oyun gözləyir. Çalışacağıq ki, uğurlu nəticə əldə edək.

Bu fikirləri “Qarabağ”ın baş məşqçisi Qurban Qurbanov İrlandiya “Dundolk”u ilə keçirəcəkləri UEFA Çempionlar Liqasının II təsnifat mərhələsinin cavab oyunu ərəfəsində deyib.

47 yaşlı mütəxəssis “Azərsun Arena”da baş tutan mətbuat konfransında bildirib ki, zədəli olan Bədavi Hüseynovun durumunun yaxşı olmadığını söyləyib: “Bədavi Hüseynov fərdi məşqlərə də başlamayıb. Məşqlərə başladı, amma hiss etdi ki, yaxşı deyil. Dünən müayinədən keçdi və qərara alındı ki, müalicə davam etməlidir. Digərlərə gəlincə isə tam hazır olmasalar da, vəziyyətləri yaxşıya doğru gedir”.

Məşqçi Maqaye Qeye və Rerras Faysayın da durumuna aydınlıq gətirib: “Hazırlıqları daha yaxşıdır. Amma öz optimal formalarından uzaqdırlar. Əsas heyətdə olmayacaqlar. Ən azından birinin “18-lik”də olmaq ehtimalı var”.

Qurbanov bütün rəqiblərə qarşı bəzi dəyişikliklərin olduğunu diqqətə çatdırıb: “Öz oyun üslubumuzu qoruyub saxlamağa çalışmışıq. Rəqibin qarşısını da almaq lazımdır. Onların oyununu analiz etmişik. Öz oyunumdan da imtina etməyəcəyik”.

Təcrübəli mütəxəssis Avropa Liqasında mübarizə aparan “Neftçi” və “Qəbələ”yə uğurlar arzulayıb: “Avrokubokda xallara ehtiyacımız var. Ölkə reytinqi yaxşılaşmalıdır. Keçmək bir yana qələbə ilə mərhələ adlamaq daha yaxşı olar”.

Məşqçi Mahir Emrelinin İspaniya klubuna keçəcəyi ilə bağlı suala isə cavab verməyib. O, sabahkı matçı düşündüklərini və fikirlərini bu qarşılaşmaya yönəltdiklərini vurğulayıb.

Qeyd edək ki, iyulun 31-də “Dalğa Arena”da keçiriləcək “Qarabağ” – “Dundolk” matçı saat 21:00-da başlanacaq (Report).

OXŞAR XƏBƏRLƏR
Şərhlər
Şərh yoxdur
XƏBƏR LENTİ
ONN-agentlik.png ONN-agentlik.png ONN-agentlik.png