Tacikistan Prezidenti Emomali Rahmon 2021-ci il yanvarın 1-dək sahibkarlıq subyektlərinin yoxlanmasına qadağa qoyub.

ONN media xəbər verir ki, Tacikistan Prezidenti bununla bağlı Fərman imzalayıb.

Sənəddə bildirilir ki, qadağanın səbəbi istehsal sahələrində sahibkarların fəaliyyətinə dəstək olmaq, yeni iş yerlərinin açılmasına şərait yaratmaq, respublikanın sənaye və eksport potensialını yüksəltmək, sahibkarlar üçün münbit şərait yaratmaq, ölkəyə gətirilən sərmayəyə yaşıl işıq yandırmaqdır.

Dövlət başçısı çıxışlarında bildirib ki, Tacikistanda biznesin müxtəlif sahələrində 28 nəzarət strukturu var və onlar biznesin və sahibkarlığın inkişafına mane olurlar. AZƏRTAC.