Xocalı soyqırımının 26-cı ildönümü ilə bağlı daha bir anım mərasimi Türkiyənini İqdır bölgəsində Azərbaycan Respublikasının Qarsdakı Baş konsulluğu və bölgədə fəaliyyət göstərən “15 İyul şəhid və qazi ailələri” dərnəyinin birgə təşkilatçılığı ilə keçirilmişdir.

Tədbirdə Azərbaycan və Türkiyənin bütün şəhidlərinin əziz xatirəsi ehtiramla anılıb. 

Mərasimdə çıxış edən Azərbaycan Respublikasının Qarsdakı Baş konsulu Nuru Quliyev, Aralıq rayonunun icra hakimi Kəmal Duru, “15 İyul şəhid və qazi ailələri” dərnəyinin sədri Kanber Gözəlqaya Xocalı soyqırımının dəhşətlərindən danışıblar. Bu soyqırımının XX əsrin ən dəhşətli cinayətlərindən biri olduğu və xalqlarımız tərəfindən heç vaxt unudulmayacağı vurğulanıb. Qeyd olunub ki, bəşər tarixində belə cinayətin bir daha təkrarlanmaması üçün Xocalı faciəsi bütün dünya ictimaiyyəti tərəfindən soyqırımı aktı kimi tanınmalıdır. (AZƏRTAC)