Ermənistan ordusu Ağdamda ekoloji terror törətməyə başlayıb. ONN media  xəbər verir ki, bu barədə “TRT Haber” məlumat yayıb. Bildirilir ki, üçtərəfli bəyanata əsasən Ermənistan işğal etdiyi Ağdam rayonunu noyabrın 20-nə kimi tamamilə boşaltmalıdır: “Ancaq erməni ordusu həm mənzil-qərargah kimi istifadə etdikləri yerləri, həm də mülki yaşayış məntəqələrini və meşələri yandırır”. Qeyd edək ki, ermənilər Kəlbəcərdən də bu cür çıxır. Onlar son 25 ildə məskunlaşdıqları və bu vaxta qədər heç vaxt yaşamadıqları ərazilərimizdən çıxarkən evləri, meşələri, hətta məktəbləri yandırır, çoxillik ağacları kəsib maşınlarla daşıyır, hətta apara bilmədikləri ev heyvanlarını öldürürlər.