Qırmızı Bazar ərazisinin Azərbaycan Silahlı Qüvvələrinin nəzarəti altına keçməsi üçün danışıqlar gedir. ONN media  xəbər verir ki, bu sözləri Ermənistanın strateji araşdırmalar mərkəzinin rəhbəri Qrant Məlik-Şahnazaryan bildirib. “Bir ay əvvəl xəbərdarlıq etdim ki, bu kəndi nəzarətdə saxlamaq lazımdır. Amma artıq gecdir. Bu torpaqların Azərbaycana verilməsi işlərinə artıq start verilib. Bundan başqa, yaxın vaxtlarda Kəlbəcər rayonunun bütün ərazisi Azərbaycan tərəfinə təhvil veriləcək”, - deyə erməni ekspert qeyd edib. Qeyd edək ki, 1991-ci ildə Milli Məclis Ağdərə rayonunu ləğv edərək, onun ərazisini Tərtər, Ağdam və Kəlbəcər rayonlarına verib. Beləliklə, Kəlbəcərin ərazisi 3 min kv/km-ya çatıb. Ancaq Kəlbəcər rayonu hazırda sovet dövründəki inzibati ərazisi sərhədlərində (1936 kv/km) boşaldılıb.