Nəqliyyat vasitələrinin qiymətinin bahalaşmasında müxtəlif faktorlar var. Bunlardan biri nəqliyyat vasitəsinin ölkəyə idxalında rüsumların yüksək olmasıdır.

ONN media bildirir ki, bu sözləri Axar.az-a nəqliyyat məsələləri üzrə ekspert Aslan Əsədov son günlər ölkədə avtomobil qiymətlərinin bahalaşması barədə danışarkən deyib.

Ekspertin sözlərinə görə, digər səbəb avtomobil istehsal edən ölkə və şirkətlərin ekoloji baxımdan təmiz modellər yaratmasıdır:

“Bunların da göstəricilərinə görə satış qiymətləri yüksəkdir. Şirkətlər arasında keyfiyyət rəqabəti artdıqca, qiymət parametrləri də yüksəlir”.