"SSRİ dövründən fərqli olaraq müstəqillik dövründə uşaqlarln boyu 5 sm kiçilib. Bunun da səbəbi qidalanma ilə bağlıdır".

ONN media xəbər verir ki, bunu deputat Qüdrət Həsənquliyev parlamentdə çıxışı zamanı deyib.

Onun sözlərinə görə, hökumət bu barədə ciddi düşünməli, uşaqların qidalanması ilə bağlı məsələyə ciddi diqqət yetirməlidir. "Bu məqsədlə 10 yaşadək uşaqlara müavinət verilməlidir. 

Digər təklif kimi tək analara və uşaqlara müavinət verilməli və həcm artırılmalıdır. Azərbaycanda uşaqlara görə verilən müavinətlər həddən artıq azdır. Rusiyada 3 uşağı olana dövlət ev verirsə, bizdə 5-6 uşağı olana 55 manat müavinət verilir. Bu həcm də həddən artıq azdır"- deputat bildirib.