Millət vəkillərinə ömürlük diplomatik pasport verilməlidir.

Bunu parlamentin plenar iclasında millət vəkili Sabir Rüstəmxanlı deyib.

S.Rüstəmxanlı bildirib ki, diplomatik pasportlar sadəcə millət vəkili kimi fəaliyyət dönəmində verilir: "Amma dünyanın əksər ölkələrində millət vəkillərinə ömürlük diplomatik pasport verilir. Bəzən millət vəkilləri deputatlıq fəaliyyəti bitəndən sonra da ölkə üçün önəmli işlər görürlər. Amma diplomatik pasportun olmaması müəyyən çətinliklər yaradır. Ona görə də hesab edirəm ki, hansısa formada bu məsələ haqqında düşünməliyik".

Deputatlardan Fəzail Ağamalı və Məlahət İbrahimqızı da bu təklifi dəstəkləyərək məsələnin hansısa formada həllinin tapılmasını təklif etdi.

Hüquq siyasəti və dövlət quruculuğu komitəsinin sədri Əli Hüseynli deyib ki, bu məsələ deputatların statusu haqqında qanunla tənzimlənir.

"Əgər deputatlar təklif edərsə, məsələyə baxıla bilər", - o deyib.