ONN İnformasiya Agentliyi Beynəlxalq Futbol Assosiasiyaları Federasiyasının (FİFA) saytına istinadən xəbər verir ki, təşkilat Rusiyanın Ukraynaya qarşı apardığı müharibəni pislədiyi haqqında bu gün bəyanat yayımlayıb.

Bəyanatda "FIFA bir daha Rusiyanın Ukraynaya təcavüzünü pisləmiş. Xüsusən də dinc əhaliyə qarşı zorakılığın tədbiqini yolverilməz adlandırıb. "Zorakılıq heç vaxt həll yolu deyil və FİFA Ukraynada baş verənlərdən təsirlənən bütün insanlarla dərin həmrəyliyini ifadə edir", - bəyanatda deyilir.

Eyni zamanda Rusiyaya qarşı sanksiyaların tətbiq edildiyidə açıqlanıb.

Tətbiq edilən sanksiyalara görə Rusiya milli futbol komandası beynəlxalq yarışlarda öz adı altında oynamaq hüququndan məhrum edilib (yalnız Rusiya Futbol İttifaqının komandası kimi), Rusiyanın bayrağı və himnindən istifadə etmək də qadağandır.

Eyni zamanda bəyanatda "FIFA vəziyyətin tez bir zamanda yaxşılaşmadığı təqdirdə yaxın gələcəkdə tətbiq oluna biləcək hər hansı əlavə tədbir və ya sanksiyaların, o cümlədən yarışlardan kənarlaşdırılmasının müəyyən edilməsi üçün BOK, UEFA və digər idman təşkilatları ilə dialoqa davam edəcək", - deyilir.

Xatırladaq ki, 2022-ci ildə Qətər futbol üzrə dünya çempionatına ev sahibliyi edəcək. Rusiya seçmə turnirdə oynamağa davam edir, lakin artıq üç komanda - Polşa, Çexiya və İsveç Ukraynanı işğal etdiyi üçün Rusiya Federasiyasına qarşı oynamaqdan imtina etdiyini elan edib.