Novruz bayramı günlərində istirahət etmək istəyənlər üçün tur şirkətlər özəl paketlər hazırlayıb. Bayram turları ölkə daxilində ötən ilə nisbətən daha ucuzdur. Bölgələrə Novruz turlarının əksəriyyəti 75-89 manat arasıdır.

Bu sözləri  turizm sahəsi üzrə mütəxəssis Vüqar Quliyev deyib.

Quliyevin sözlərinə görə, ən tələbatlı xarici turlar Kapadokya və Trabzon bölgələrinədir. Kapadokyaya tur 4 gecə 5 günü əhatə edir, Naxçıvandan avtobus vasitəsilə getmək olar. Qiymətlər otelin imkanlarına görə 199 dollardan 259 dollara qədər dəyişir.

Ölkə daxilində isə bayram günlərində aşağıdakı turlar var:

* 21-22 mart - Lənkəran-Yardımlı turu (1 gecə 2 gün) - 95 manat

* 21-22, 23-24 mart - Göyçay-İsmayıllı-Qəbələ turu (1 gecə 2 gün) - 89 manat

* 23-25 mart - Gəncə-Göygöl-Maralgöl turu (2 gecə 3 gün) - 149 manat

* 23-25 mart - Astara-Lənkəran-Lerik-Yardımlı turu (2 gecə 3 gün) - 149 manat

- 22-25 mart - Zaqatala Qax Şəki Qəbələ İsmayıllı turu (3 gecə 4 gün) - 199 manat

- 26-27 mart - Quba Şahdağ turu (1 gecə 2 gün) - 79 manat.

Nəqliyyat xidməti, ekskursiyalar, qidalanma (səhər yeməyi), oteldə gecələmə, foto çəkiliş, tur rəhbəri, yolboyu əyləncəli oyunlar tur qiymətinə daxildir.