Diyetoloq Natalya Denisova arıqlamağa kömək edən səhər yeməyi menyusundan söz açıb. 

ONN media xəbər verir ki, mütəxəssisin fikrincə, səhər yeməyini qaçırmaq olmaz, çünki yuxudan sonra orqanizmdə maddələr mübadiləsini işə salan məhz səhər yeməyidir. Səhər oyandıqdan bir saat sonra yemək yaxşıdır.

“Əgər günün birinci yarısında lazımi miqdarda enerji almasaq, günün ikinci yarısında rasionun bütün kalori miqdarı azalacaq. Bir qayda olaraq, səhər yeməyi yeməyən insanlar axşamlar çox yeyirlər. Yatmadan əvvəl artıq kalori artıq yağ toxumasına çevrilir. Düzgün rasion bədəndə qida konsentrasiyasının sabitliyini qoruyur. İlk növbədə, söhbət əsas enerji mənbəyi olan qlükozadan gedir. Səhər yeməyi bu enerji miqdarının ən azı 25 faizini təşkil etməli və balanslı olmalıdır: onun tam işləməsi üçün orqanizmə zülallar, yağlar, karbohidratlar daxil edilməlidir”, - həkim qeyd edib.