"Mənim illər ərzində dediyim sözləri indi erməni xalqı deyir", Azərbaycan prezidenti İlham Əliyev deyib.

ONN media xəbər verir ki, iyunun 6-da Qafqaz Müsəlmanları İdarəsinin sədri şeyxülislam Allahşükür Paşazadənin açdığı iftar süfrəsinin qonağı olan prezident Ermənistandakı son hakimiyyət dəyişikliyinə toxunub.

İlham Əliyev deyib ki, o, "dünyanın ən ali kürsüsündən - BMT kürsüsündən Ermənistanın əvvəlki kriminal rejimini ifşa" edib. "Nəhayət, indi erməni xalqı anlayıb ki, onlara 20 il ərzində kriminal xunta rejimi rəhbərlik edib".