Rusiya və Türkiyənin regionda artan nüfuzuna qarşı ABŞ Yunanıstan, İsrail və Kipr kimi müttəfiqlərə dəstəyini gücləndirərək burada əsas oyunçu olmağı planlaşdırır.

ONN media xəbər verir ki, bu barədə ABŞ-ın "Hill" qəzetində məqalə yayılıb.

Məqalədə Türkiyə və Liviyanın razılaşdığı, Afinanın Ankaranı hava sərhədini pozmaqda ittiham etdiyi bir zamanda ABŞ hərbi büdcəsinin qəbul edilməsinin təsadüf olmadığına diqqət çəkib.

Bildirilib ki, Aralıq dənizində əsas rola malik olmağı hədəfləyən Vaşinqton bu çərçivədə Yunanıstanla hərbi əməkdaşlığı gücləndirməyi, Kiprə tətbiq ediləm silah embarqosunu ləğv etməyi planlaşdırır.