Qəbul imtahanlarında 660 bal toplayan abituriyent paytaxtın nüfuzlu universitetlərini yox, Azərbaycan Dövlət Pedaqoji Unverstetinin Şəki filialını seçib. ONN media xəbər verir ki, Elcan Səlimli Şəki şəhər 20 saylı orta məktəbi qızıl medalla başa vurub. Buraxılış imtahanlarında Azərbaycan dilindən 100 faiz nəticə gostərən şagird həm də Azərbaycan dili üzrə respublika fənn olimpiadasınin gümüş medalını qazanıb. Qəbul imtahanlarında yüksək bal toplasa da, təhsilini Şəkidə Pedaqoji Universitetdə davam etdirmək istəyib. Onun bu seçmini müəllimləri ilə yanaşı, ailəsi də dəstəkləyib. Elcan deyir ki, onun arzusu Azərbaycan dilini daha mükəmməl öyrənərək, bu sahədə mütəxəssis olmaqdır. Azərbaycan dilinin incəliklərinə bələd olmaq üçün bir neçə xarici dilin öyrənilməsini vacib sayır. Bu səbəbdən ingilis dili üzrə müəllimliyi seçib. Onun sözlərinə görə, yüksək bal toplamağın heç bir sirri yoxdur. Çalışqan olmaq və çoxlu oxumaq lazımdır. (Xəzər TV) https://www.youtube.com/watch?time_continue=54&v=a2inNn6TRkE