33 saylı Xətai birinci seçki dairəsindən millət vəkilliyinə namizəd Fuad Abbasovun Əhmədli qəsəbəsi Məhəmməd Hadi küçəsinin sakinləri ilə görüşü izdihamla yadda qalıb.

ONN media xəbər verir ki, görüşdə paytaxtın digər rayonlarında yaşayan sakinlər də iştirak edib.

Seçicilər Fuad Abbasova etimad bəslədiklərini, ona səs verəcəklərini bildiriblər:

“Biz sizi deputat görmək istəyirik. Bilirik ki, Xətaidə yaşayanlar sizi seçəcək, amma siz bütün azərbaycanlıların maraqlarını qoruyacaqsınız. Məhz bu səbəbdən sizə dəstək olmaq üçün bura yığışdıq”.

Başqa rayonlardan gələnlərə izah olunub ki, belə bir hüquqi imkan olmadığından, onların bütün problemləri dərhal dinlənəcək, qeydə alınacaq və maksimal dərəcədə köməklik göstəriləcək, lakin bu insanlar seçki zamanı yalnız öz ərazilərindən olan namizədlərə səs vermə hüquqlarına malikdirlər.

“Mənim qapılarım hər biriniz üçün açıqdır. Nəinki Bakı, Azərbaycan, hətta dünyanın dörd bir yanından həmvətənlərimizə dəstək olmağa hazırıq”, - Abbasov qeyd edib.

Qeyd edək ki, görüş canlı olaraq Feysbuk və Yutub sosial şəbəkələrində yayımlanıb.

Canlı yayım gedərkən Fuad Abbasov seçicilərə öz vəkili və səlahiyyətli nümayəndəsini təqdim edib.

Xatırladaq ki, Fuad Abbasovun təşviqat kampaniyası çərçivəsində sakinlərlə növbəti görüşü bazar günü (28 yanvar) saat 15:00 Sarayev küçəsində yerləşən Bakı kinoteatrında keçiriləcək.