Azərbaycan Premyer Liqasında cari mövsüm 240 sarı və 15 qırmızı vərəqə göstərilib. ONN media   xəbər verir ki, mövsümün arxada qalan hissəsinin ən intizamlı komandası “Qarabağ”dır. Son çempion cəmi 22 cərimə xalı toplayıb. 16 sarı vərəqə alan ağdamlılar iki dəfə meydandan kənarlaşdırılma ilə cəzalanıb. Ən çox cərimə xalı olan komanda “Zirə”dir. Hamıdan çox – dörd qırmızı vərəqəsi olan qəsəbə təmsilçisi 32 xəbərdarlıq da alıb. Qırmızı vərəqə ilə cəzalanmayan yeganə komanda “Sumqayıt”dır. Amma “Gənclik şəhəri” təmsilçisi xəbərdarlıq sayında “rekord” vurub – 42.