Tərkibi: 3 l - Qatıq 1 l - Su 2 ədəd - Yumurta 150 qr - Yumru düyü 20 qr - Un 35 qr - Duz 35-40 qr - Keşniş 35-40 qr - Şüyüd 35-40 qr - Dağ keşnişi 70 qr - İspanaq 35-40 qr - Nanə 20 qr - Tərxun Hazırlanması: Göyərtiləri seçirik, təmiz yuyuruq, quruduruq və xırda-xırda doğrayırıq. Qatığı dərin bir qazana tökürük, taxta çırpıcı ilə qarışdırırıq. Daha sonra yumurta, yumru düyü, un , su əlavə edirik və qarışdırırıq. Qazanı plitəyə qoyuruq, taxta qaşıqla qaynayanadək qarışdırırıq. Qaynama prosesi başladıqdan sonra qarışdırmaya davam edərək altını biraz qısırıq, əvvəlcədən hazırladığımız göyərtiləri əlavə edirik. Düyünü yoxlayırıq, əgər o bişibsə, duz əlavə edirik və dovğamız hazırdır. Nuş olsun!