Təbrizin 30 kilometr cənub-şərqində, Təbriz-Ocan (Bostanabad) arasında yerləşən və dünyanın təbiət abidələri siyahısına salınan Quru göl tamamilə quruyub.

ONN media xəbər verir ki, bu barədə ekofəallar məlumat və videolar yayıblar.

Qeyd edək ki, Quru göl İranda beynəlxalq qeydiyyatdan keçmiş və dünya səviyyəsində təbiət abidəsi kimi siyahıya alınmış 26 göldən biridir. 200 hektar sahəsi olan göl 260 adda müxtəlif bitki növünə malik olmaqla yanaşı, çox sayda yerli və köçəri quş növlərinin sığınacaq yeridir. Bir müddət əvvəl Şərqi Azərbaycan əyalətinin Regional Su Şirkətinin rəhbəri Yusif Qafarzadə mediaya açıqlamasında gölün qurumaq üzrə olduğu barədə xəbərdarlıq etmişdi.