Yeni Azərbaycan Partiyası tərəfindən 64 saylı Salyan seçki dairəsindən deputatlığa namizədliyi irəli sürülmüş Sadiq Qurbanov seçki kampaniyasını uğurla davam etdirir. Bu çərçivədə o növbəti görüşünü rayonun Qarabağlı kəndində keçirib. Deputatlığa namizəd seçicilərlə görüşüb, onlara seçki platformasından danışıb, habelə kənd sakinlərinin arzularını və təkliflərini dinləyib.

İqtisadçı alim, professor Zahid Məmmədov isə “Facebook” səhifəsində Sadiq Qurbanov barədə məqalə dərc edərək, Salyan seçicilərini onun namizədliyini dəstəkləməyə çağırıb. Professorun məqaləsini oxuculara təqdim edirik:

Ekoloji nədir? Bilmədiyiniz üçün üzülməyin, ekologiyanın mahiyyətini və məzmunu bilənlərin sayı olduqca çox az. Halbuki, günümüzdə ən önəmli məsələsi Ekologiyadır. 2008-ci ildə baş verən qlobal iqtisadi böhran mövcud iqtisadi modelin “dalan nöqtəsini” təsdiqlədi. Xüsusilə dünya iqtisadiyyatının qloballaşması, inkişaf etmiş ölkələrin iqtisadi yüksəlişi, yeni iqtisadiyyatların sürətli inkişafı fonunda bu hadisə bəşəriyyət üçün sürpriz oldu. Qlobal böhran “yaşıl” iqtisadiyyatın formalaşmasına öz töhfəsini verdi. Bir çox dövlətlər ekoloji komponentin əhəmiyyətli yer tutduğu antiböhran proqramlarını fəal şəkildə inkişaf etdirir.

Dünya və ölkənin iqtisadi modelində qlobal və köklü dəyişikliklərə ehtiyac duyulur. Məhz buna görə də bizə təbiətə həddindən artıq təzyiq göstərmədən cəmiyyətin rifahını təmin etməyə qadir olan yeni inkişaf paradiqmasına ehtiyac var. İqtisadiyyatın yaşıllaşdırılması, “ekoloji cəhətdən təmiz” istehsalın və innovasiyanın inkişafı iqtisadi alətlərin bütün spektri ilə dəstəklənməsinin zamanıdır: vergilər, kreditlər, subsidiyalar, tariflər, rüsumlar, ekoloji sığorta və s. Bundan sonra, ekologiyanı çox dərindən bilmədən, iqtisadi –sosial sahədə ciddi irəliyiş əldə etmək mümkün deyildir.

Bu nədənlə ekoloji mövzuları dərindən bilən və bildiyini mükəmməl izah edə bilən, bildiyinin doğru olduğu üçün mübarizə və müzakirə etmə qabiliyyətinə malik təmiz ölkə naminə dos.dr. Sadiq Qurbanova dəstək olaq! 

Nədən Sadiq Qurbanov? 

1. Dövlət mənafeyini müdafiə edə bilir;

2. Xalqın içində nüfüzü var və mənəvi keyfiyyətlərə malikdir;

3. Seçicilərin nə istədiyini bilir və onların haqlı mənafeyini müdafiə etməyi bacarır;

4. Nizam-intizamlı və öhdəliklərinə sadiq insandır;

5. Fəaliyyətində və hərəkətlərində populizm, qərarsızlıq və aqressiv davranışlara yol vermir.