54 saylı Şabran- Siyəzən seçki dairəsindən namizədliyini irəli sürən namizəd Sadiq Qurbanov istirahət günü də, seçicilərlə görüşlərini davam etdirib. ONN media Sadiq Qurbanovun feysbuk (facebook) səhifəsindən əldə etdiyi məlumata əsasən bildirir ki, bazar günü olsa da Siyəzən rayonunda Sadiq Qurbanov seçicilərlə bir sıra görüşlər keçirib. Səmimi söhbət şəraitində keçirilən görüşdə, seçiciləri maraqlandıran məsələlərə toxunulub və eyni zamanda görüşdə iştirak edən sakinlərdən 81 yaşlı Bəyim ana, Ariz Əliyev, Hacı Adil və digər ağsaqqal və ağbirçəklərin dövlətin apardığı siyasətdən razı qaldıqlarını qeyd etdikləri, rayon üçün gördüyü işlərə görə Prezident cənab İlham Əliyevə və Birinci vitse-prezident Mehriban Əliyevaya dərin minnətdarlıqlarını bildirdikləri də qeyd edilib.