Azərbaycanın iqtidar partiyası ölkədə baş tutan növbədənkənar prezident seçkilərində mövcud dövlət başçısı İlham Əliyevin qələbəsini elan edib.

ONN media xəbər verir ki, Rusiyanın nüfuzlu “Ria Novosti” informasiya portalında yayımlanman xəbərdə deyilir ki, ən yüksək dövlət vəzifəsi üçün İlham Əliyevlə bərabər səkkiz namizəd mübarizə aparıb. Bir neçə təşkilatın “exit-poll” nəticələrinə əsasən, İlham Əliyev səslərin ən azı 82 faizini, ən yaxın rəqibi Qüdrət Həsənquliyev ən azı 3 faizini toplayıb.

"İnanırıq ki, Azərbaycan İlham Əliyevin rəhbərliyi ilə növbəti yeddi il ərzində daha da inkişaf edəcək və güclənəcək, bu illər ölkənin inkişaf illəri olacaq", -deyə Yeni Azərbaycan Partiyasının qərargahında keçirilən mətbuat konfransında partiyanın icra katibi Əli Əhmədov bildirib.