İyunun 8-də Azərbaycan Milli Elmlər Akademiyasının illik Ümumi yığıncağında AMEA Rəyasət Heyəti üzvlüyünə seçkilər keçirilib.

AMEA -dan ONN media -ya verilən məlumata görə, seçkilərin nəticəsinə əsasən akademiklər İbrahim Quliyev, İsa Həbibbəyli, Tofiq Nağıyev, Dilqəm Tağıyev, Nərgiz Paşayeva və İradə Hüseynova AMEA-nın vitse-prezidentləri,  akademik Rasim Əliquliyev AMEA-nın akademik-katibi seçiliblər. Bundan başqa, akademik Nazim  Məmmədov  AMEA-nın Fizika-Riyaziyyat və Texnika Elmləri Bölməsinin, akademik Fəxrəddin  Qədirov Yer Elmləri Bölməsinin, akademik  Əhliman  Əmiraslanov Biologiya və Tibb Elmlər Bölməsinin, akademik Teymur Kərimov Humanitar Elmlər Bölməsinin və akademik Nərgiz Axundova İctimai Elmlər Bölməsinin akademik-katibi vəzifələrinə seçiliblər.

AMEA-nın Naxçıvan Bölməsinin sədri vəzifəsinə akademik İsmayıl Hacıyev, Gəncə Bölməsinin sədri vəzifəsinə akademik Fuad Əliyev seçiliblər. AMEA-nın müxbir üzvü Bilal Bilalov isə AMEA Rəyasət Heyəti üzvü vəzifəsini icra edən təyin edilib.