İtaliyanın “Eni” enerji şirkəti və Fransanın “Total” şirkətinin balansında olan “Kalipso” konsorsiumu Kiprin müstəsna iqtisadi sularında yerləşən altıncı blokun ərazisində iri qaz yatağının aşkarlandığını elan edib.

ONN media xəbər verir ki, bu barədə Newsru.co.il saytında məlumat yayılıb.

Qaz yatağı adanın cənub sahillərindən 75 kilometr aralıda yerləşir. Yataqda olan qaz ehtiyatlarının 170-230 milyard kubmetr (İsrailin “Tamar” yatağından 30 % az) təşkil etdiyi ehtimal edilir.

Bu, 2010-cu ildə İsrailin “Leviatan” yatağından 30 km aralıda yerləşən “Afrodita” yatağının aşkarlanmasından sonra Kipr sularında kəşf olunan sayca ikinci iri qaz yatağıdır.