Ermənistanın baş naziri Nikol Paşinyanın Armen Qriqoryanı Təhlükəsizlik Şurasının katibi postuna gətirməsi Azərbaycanın işğal olunmuş Dağlıq Qarabağ bölgəsində yaradılan qondarma rejimdə (bu rejim keçmiş prezident Serj Sarkisyanın rəhbərlik etdiyi “Qarabağ klanı”ndan ibarətdir) narazılıqla qarşılanıb.

ONN media Publika-ya istinadlaxəbər verir ki, “Qraparak” qəzeti A.Qriqoryanın Soros Fondu ilə sıx bağlı olduğunu yazıb.

“Qarabağda hesab edirlər ki, bu təyinat Rusiya ilə münasibətlərin korlanmasına səbəb ola bilər. Paşinyanın bu gedişi Rusiyada, eləcə də İranda da narahatlıqla qarşılanıb”, - deyə qəzet qeyd edir.

Məlumatlara görə, Qarabağdakı rejimin “prezidenti” Bako Saakyanın Paşinyan hakimiyyətinə qarşı çıxmaq üçün istənilən vaxt erməni əhalisini ayağa qaldıra bilər.

Ermənistan mediası hazırda Xankəndində qalan “Qarabağ klanı”nın hakimiyyəti qaytarmaq üçün hətta sui-qəsdlərə də əl ata biləcəyini yazır.