İranın Qərbi Azərbaycan əyalətində koronavirusdan qorunmaq üçün spirt içən 5 nəfər ölüb. ONN media xəbər verir ki, bu barədə Qərbi Azərbaycan Tibb Universitetinin rəisi Cavad Ağazadə danışıb. “Spirt içib koronavirusdan qorunmaqla bağlı deyilənlər yalan və şayiədir. Bunun ağır nəticələri var”, - o bildirib. Qeyd edək ki, İran və Güney Azərbaycanda spirtin koronavirusun qarşısını alması ilə bağlı şayiələr yayılıb. Bundan sonra bir çoxları şayiəyə inanaraq spirt içməyə başlayıb.