Türkiyədə seçkiyə görə bazar günü yerli vaxtla 06.00-dan gecə saat 24.00-dək siprtli içki satışı və içilməsi qadağan edilib. ONN media xəbər verir ki, səsvermə günü bütün qəhvəxana, internet klub və bu kimi ictimai yerlər qapalı olacaq. Əyləncə mərkəzlərindəki kafelərdə isə yalnız yemək satılacaq. Həmçinin toylar seçki qadağalarına və təqib edilən qaydalara riayət etmək şərti ilə saat 18.00-dan sonra baş tuta bilər. Təhlükəsizlik və ictimai asayişi qoruyanlar istisna olmaqla, 5237 saylı Türk Cəza Qanununun 6-cı maddəsinə əsasən, silahla kəndlərdə, qəsəbələrdə və şəhərlərdə gəzmək qadağandır. Qeyd edək ki, 31 mart Türkiyədə bələdiyyə seçkiləridir.