ONN media Sfera.az-a istinadən xəbər verir ki, Azərbaycanda 2015-ci ildə baş verən iki devalvasiyadan sonra 11 bank bağlandı. Maraqlıdır, bu il problemli banklardan hansının bağlanma ehtimalı var.

İqtisadçı-ekpsert Akif Nəsirli bu haqda danışıb: 

"3 ilə yaxındır ki, Azərbaycanda bankların bağlanmasını müşahidə edirik. Böhran davam etdiyi üçün düşünürəm ki, 2018-ci ildə də bankların bağlanması müşahidə ediləcək. Bu gün Azərbaycanda fəaliyyət göstərən hər bir bankı bağlanan 11 bankın taleyi gözləyə bilər. Bağlana biləcək bankların adı ilə bağlı şəxsi ehtimallarım var. Lakin təəssüflər olsun ki, dünyada bankların 100-dən artıq funksiyası olsa da, Azərbaycanda banklar yalnız kredit verməklə məşğuldur. Bunun da bir çox səbəbləri var”.

Qeyd edək ki, 2015-ci ilin 10 iyulunda Azərbaycan Kredit Bankı” ASC, 18 yanvar 2016-cı il  tarixində "Bank of Azerbaijan” ASC,

27 yanvar 2016-cı ildə "Qafqaz İnkişaf Bankı" ASC, "Atrabank" ASC, 1 fevral 2016-cı ildə "Texnikabank” ASC, 1 oktyabr 2016-cı il "Bank Standard", 21 iyul 2016-cı ildə "Dekabank” ASC, "Kredobank” ASC, "Parabank” ASC, "Zaminbank” ASC, 23 dekabr 2017-ci ildə "DəmirBank" ASC fəaliyyətini dayandırıb.