Son vaxtlar uşaqlar arasında qızılca yayılıb.

ONN media Axar.az-a istinadən bildirir ki, bu barədə tanınmış pediatr Vaqif Qarayev qeyd edib. O bildirib ki, bu xəstəlik soyuqdəymə əlamətləri ilə başlayır:

"Soyuqdəymədir" deyib keçməyin. Çünki qızılca da soyuqdəymə əlamətləri ilə başlayır. Yəni yüksək hərarət, zökəm, öskürək, konyunktivit və digər bu kimi əlamətlər. Bir neçə gündən sonra isə səpkilər əmələ gəlir. Ona görə başlanğıc əlamətlər müşahidə olunduğu andan uşaqlar məktəbə, bağçaya getməməlidir. Diaqnozun vaxtında qoyulması üçün mütləq həkimə göstərilməlidir. Peyvəndsiz uşaqlarla isə daha ehtiyatlı olmalıyıq".